ဧရာဝတီမြစ်ရေဝင်ရောက်မှုကြောင့် ပန်းတောင်းမြို့၊ ထုံးဘိုတိုက်နယ်၊ ခတ္တိယရပ်ကွက်ရှိ ရေဘေးသင့်ပြည်သူများအား ကူညီကယ်ဆယ်ရေးလုပ်ငန်းများ ဆောင်ရွက်

ဧရာဝတီမြစ်ရေဝင်ရောက်မှုကြောင့် ပန်းတောင်းမြို့၊ ထုံးဘိုတိုက်နယ်၊ ခတ္တိယရပ်ကွက်ရှိ ရေဘေးသင့် ပြည်သူများအား ကူညီကယ်ဆယ်ရေးလုပ်ငန်းများ ဆောင်ရွက်

နေပြည်တော်၊ ဇူလိုင် - ၂၉

ဧရာဝတီမြစ်ရေမြင့်တက်မှုကြောင့် ပဲခူးတိုင်းဒေသကြီး၊ ပန်းတောင်းမြို့၊ ထုံးဘို တိုက်နယ်၊ ခတ္တိယရပ်ကွက်သို့ ယနေ့မွန်းလွဲပိုင်းတွင် မြစ်ရေဝင်ရောက်မှုဖြစ်ပေါ်ခဲ့သဖြင့် ရေဘေးသင့်ပြည်သူများအား အဆိုပါရပ်ကွက်ရှိ မြသိန်းတန်းဘုန်းတော်ကြီးသို့ တောင်ပိုင်း တိုင်းစစ်ဌာနချုပ်၊ ပန်းတောင်းတပ်နယ်မှ တပ်မတော်သားများက ကူညီရွှေပြောင်းပေးပြီး စားသောက်ဖွယ်ရာများ ထောက်ပံ့ပေးအပ်သည်။ ယင်းသို့ဆောင်ရွက်ပေးမှုများကို တပ်နယ်မှ တာဝန်ရှိသူများက သွားရောက်ကြည့်ရှု ပြီး လိုအပ်သည်များ ညှိနှိုင်းဆောင်ရွက်ပေးခဲ့ကြောင်း သတင်း ရရှိသည်။

တပ်မတော်ကာကွယ်ရေးဦးစီးချုပ်ရုံး