တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ပြည်တပ်နယ်မှ အရာရှိ၊ စစ်သည်၊ မိသားစုများအားတွေ့ဆုံအမှာစကားပြောကြား

နေပြည်တော်၊ စက်တင်ဘာ - ၁

တပ်မတော်၏မူဝါဒမှာနိုင်ငံတော်ကို ကာကွယ်ပေးရန်ဖြစ်ကြောင်း၊ မိမိတို့တပ်မတော်သည် နိုင်ငံ့ အရေးဖြစ်သည့် နိုင်ငံတော်တည်ငြိမ်အေးချမ်းရေးနှင့်ဖွံ့ဖြိုး တိုးတက်ရေးကို ဆောင်ရွက်ပေးရန် ဖြစ်ကြောင်းဖြင့် တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်က ပြည်တပ်နယ်မှ အရာရှိ၊ စစ်သည်၊ မိသားစုများအားယနေ့နံနက်ပိုင်းတွင် ပြည်တပ်နယ်ရှိ န၀ဒေးခန်းမ၌တွေ့ဆုံအမှာ စကားပြောကြားရာတွင် ထည့်သွင်းပြောကြားသည်။

အဆိုပါတွေ့ဆုံပွဲသို့ကာကွယ်ရေး ဦးစီးချုပ်(ရေ)ဗိုလ်ချုပ်ကြီးတင်အောင်စန်း၊ ကာကွယ်ရေးဦးစီးချုပ်ရုံး (ကြည်း)မှတပ်မတော်အရာရှိကြီးများ၊ တောင်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ် မျိုးဝင်းနှင့် တပ်နယ်မှ အရာရှိ၊ စစ်သည်၊ မိသားစုများ တက်ရောက်ကြသည်။

ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က မိမိတို့နိုင်ငံ၌  နိုင်ငံရေးအရမူဝါဒများ မည်သို့ပြောင်းလဲနေသည်ဖြစ်စေနိုင်ငံရေးအရ၊ လုံခြုံရေးအရတည်ငြိမ်အေးချမ်းမှုရှိရမည်ဖြစ်ကြောင်း၊ မိမိတို့နိုင်ငံသည် ၂၀၁၁ ခုနှစ်မှစ၍ ပြည်သူများမှ ရွေးချယ်သည့် ပါတီစုံဒီမိုကရေစီ လမ်းကြောင်း ပေါ်တွင်လျှောက်လှမ်းလျက်ရှိကြောင်း၊ မည်သည့်နိုင်ငံရေးစနစ်တွင်မဆို ပြီးပြည့်စုံသည့် စနစ် မရှိကြောင်း၊ အချို့နိုင်ငံများတွင် ပါတီစုံဒီမိုကရေစီနစ်ကိုကျင့်သုံးလျက်ရှိသော်လည်း တစ်နိုင်ငံနှင့် တစ်နိုင်ငံတူညီမှုမရှိကြောင်း၊ မိမိတို့နိုင်ငံတွင်လည်းမိမိတို့နှင့်ကိုက်ညီသည့် နိုင်ငံရေးစနစ်အပေါ်တွင် လျှောက်လှမ်းလျက်ရှိကြောင်း၊ တိုင်းရင်းသားအရေးနှင့် ပတ်သက်၍ မိမိတို့အနေဖြင့် ကိုလိုနီ ခေတ်တွင် ခွဲခြားအုပ်ချုပ်ခံရမှုများကြောင့် လွတ်လပ်ရေး  ကြိုးပမ်းမှုကာလနှင့် လွတ်လပ်ရေးရရှိချိန် နောက်ပိုင်းတွင်တိုင်းရင်းသားများအနေဖြင့် အယူဝါဒရေးရာများကွဲပြားမှုဖြစ်ပေါ်ခဲ့ကြောင်း၊ မိမိတို့ မြန်မာနိုင်ငံသည်ရှေးယခင်ကတည်းက စည်းစည်းလုံးလုံးဖြင့် နေထိုင်ခဲ့ကြသူများဖြစ်ပြီး မိမိတို့ ကိုယ်ပိုင်ယဉ်ကျေးမှုနှင့်နေထိုင်ခဲ့ကြသူများဖြစ်ကြောင်း၊ ကိုလိုနီခေတ်တွင်သွေးခွဲအုပ်ချုပ်ခံခဲ့ရမှုများ နှင့် နိုင်ငံရေးအရထိုးနှက်ချက်များရှိခြင်းကြောင့် တိုင်းရင်းသားလက်နက်ကိုင်ပဋိပက္ခများ ဖြစ်ပေါ်နေ ခြင်းဖြစ်ကြောင်း၊ ယနေ့ဒီမိုကရေစီလမ်းကြောင်းကိုလျှောက်လှမ်းရာတွင် အခြေခံဥပဒေနှင့်အညီသာ သွားရမည်ဖြစ်ကြောင်း၊ မိမိတို့တပ်မတော်သည်နိုင်ငံ့အရေး အတွက်ဆောင်ရွက်နေရသဖြင့်  တပ်မတော်သားများအနေဖြင့် စည်းလုံးညီညွတ်ရန်၊ စည်းကမ်းရှိရန်လိုကြောင်း၊ မိမိတို့အနေဖြင့် တာဝန်အရလုပ်ငန်းများဆောင်ရွက်ရာတွင် ဥပဒေနှင့်အညီသာဆောင်ရွက်လျက်ရှိပြီး ဥပဒေချိုးဖောက် သူများကိုအရေးယူမှုများပြုလုပ်ခဲ့ရကြောင်း၊ တပ်မတော်သားများသည် စစ်ဘက်ဥပဒေများကိုသာမက အရပ်ဘက်ဥပဒေများကိုပါ လိုက်နာဆောင်ရွက်ရသူများဖြစ်ကြောင်း၊ မိမိတို့အနေဖြင့် တိုင်းပြည်နှင့် ပြည်သူလူထု အကျိုးစီးပွားကိုကာကွယ်ရန်အတွက် တရားသောစစ်ကို ဆင်နွှဲနေခြင်းသာဖြစ်ကြောင်း ရှင်းလင်းပြောကြားသည်။

ထို့နောက် ပြည်တွင်းငြိမ်းချမ်းရေးရရှိရန်အတွက် ပြည်နယ်၊ တိုင်းအဆင့်ဆင့်မှ စ၍ညှိနှိုင်း ဆွေးနွေးမှုများပြုလုပ်ခဲ့ပြီး ငြိမ်းချမ်းရေးဆွေးနွေးပွဲများပြုလုပ်ခဲ့ကြောင်း၊ ပြည်တွင်းငြိမ်းချမ်းရေး ဆောင်ရွက်ရာတွင် ငြိမ်းချမ်းရေးသဘောတူညီချက်များကိုမဖောက် ဖျက်ရန်လိုကြောင်း၊ နိုင်ငံ တစ်နိုင်ငံသည် ပြည်တွင်းလက်နက်ကိုင်ပဋိပက္ခများမရှိမှသာ တိုးတက်မည်ဖြစ်ကြောင်း၊ တိုင်းရင်းသား အားလုံးတန်းတူအခွင့်အရေးအတွက် အခြေခံဥပဒေတွင်ပြဋ္ဌာန်းပေးထားပြီးဖြစ်ကာ နိုင်ငံရေးအတွက် အာမခံချက်ပေးထားပြီး ဖြစ်ကြောင်း၊ နိုင်ငံဖွံ့ဖြိုးတိုးတက်ရေးအတွက်ဆောင်ရွက်ချိန်၊ သဘာဝဘေး အန္တရာယ်ကျရောက်ချိန်များနှင့် ပြန်လည်တည်ဆောက်ရေးလုပ်ငန်းများတွင်လည်း တပ်မတော်မှ အမြဲမပြတ် ကူညီဆောင်ရွက်ပေးနေရမည်ဖြစ်သကဲ့သို့ နိုင်ငံတော်၏လိုအပ်ချက်များကို ၀ိုင်းဝန်း ကူညီဆောင်ရွက်ပေးရမည်ဖြစ်ကြောင်း၊ နိုင်ငံတစ်ဝန်းရှိဝေးလံခေါင်ပါးသည့် ဒေသများမှ ဒေသခံ ပြည်သူလူထု၏ကျန်းမာရေးစောင့်ရှောက်မှုလုပ်ငန်းများကိုလည်း တပ်မတော်မှ ကူညီဆောင်ရွက် ပေးလျက်ရှိကြောင်းပြောကြားသည်။

ဆက်လက်ပြီး တပ်မတော်သားများနှင့်မိသားစုဝင်များသက်သာချောင်ချိရေးနှင့် ကုန်ဈေးနှုန်းကြီးမြင့်မှု ကို တစ်ဖက်တစ်လမ်းမှထိန်းချုပ်နိုင်ရန်အတွက် တပ်ပိုင်စိုက်ပျိုး မွေးမြူရေးလုပ်ငန်းများ ဆောင်ရွက်ပြီးထွက်ရှိလာသည့် အသား၊ ငါး၊ ဟင်းသီး ဟင်းရွက်များနှင့် ကြက်ဥများအား ပြင်ပပေါက်ဈေးထက်သက်သာသောဈေးနှုန်းများဖြင့် ရောင်းချပေးလျက်ရှိကြောင်း၊ ထို့အတူ နေထိုင်ရေး၊ ပညာရေးနှင့် ကျန်းမာရေးကဏ္ဍများကိုလည်းပြည့်စုံမှုရှိအောင် ဆောင်ရွက်ပေး ထားကြောင်း၊  မိမိတို့၏တပ်မတော်သားဘ၀ကို ဂုဏ်ယူတတ်ရန်လိုအပ်ကြောင်း၊ မိမိတို့၏ကျန်းမာရေး နှင့် စီးပွားရေးကို ထိခိုက်စေနိုင်သည့် ကွမ်း၊ ဆေးလိပ်နှင့် အရက်သေစာသောက်စားခြင်းများကို မိမိတို့၏အသိတရားဖြင့် တတ်နိုင်သမျှရှောင်ကြဉ်ရန်လိုအပ်ကြောင်းမှာကြားသည်။

တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်နှင့် ကာကွယ်ရေး ဦးစီးချုပ်(ရေ)တို့က စားသောက်ဖွယ်ရာများပေးအပ်ရာ တာဝန်ရှိသူများကလက်ခံရယူ ကြသည်။ ယင်းနောက် တပ်မတော် ကာကွယ်ရေးဦးစီးချုပ်နှင့်အဖွဲ့ဝင်များသည် အခမ်းအနား တက်ရောက်လာကြသည့် အရာရှိ၊ စစ်သည်၊ မိသားစုများအားရင်းရင်းနှီးနှီးလိုက်လံ နှုတ်ဆက်ကြသည်။

ထို့နောက်တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် ပြည်မြို့ရှိ နယ်မြေခံတပ်မတော် ဆေးရုံတွင်တက်ရောက်ကုသလျက်ရှိသည့် အရာရှိ၊ စစ်သည်များ အားရင်းရင်းနှီးနှီး လိုက်လံ နှုတ်ဆက်အားပေးစကားပြောကြားပြီး စားသောက်ဖွယ်ရာများ ပေးအပ်သည်။

ဆက်လက်ပြီး တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် နေ့လယ် ပိုင်းတွင် ထုံးဘိုရှိ တပ်မတော်အကြီးစားစက်ရုံသို့ရောက်ရှိကြရာ စက်ရုံအစည်းအဝေးခန်းမတွင်တာဝန်ရှိသူတစ်ဦးက စက်ရုံမှမော်တော်ယာဉ်များထုတ်လုပ်နေမှုအခြေအနေများအား ရှင်းလင်းတင်ပြရာ တပ်မတော် ကာကွယ်ရေးဦးစီးချုပ်ကသိရှိလိုသည်များမေးမြန်းပြီး လိုအပ်သည်များ မှာကြားဖြည့်ဆည်း ဆောင်ရွက်ပေးသည်။

ယင်းနောက်တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် စက်ရုံအတွင်း မော်တော်ယာဉ်များ တပ်ဆင်ထုတ်လုပ်နေမှုအခြေအနေများနှင့် အလုပ်ရုံများအတွင်း လှည့်လည် ကြည့်ရှုစစ်ဆေးပြီး တာဝန်ရှိသူများ၏ တင်ပြချက်များအပေါ်လိုအပ်သည်များ မှာကြားဖြည့်ဆည်း ဆောင်ရွက်ပေးသည်။ ယင်းနောက်တပ်မတော်ကာကွယ်ရေး ဦးစီးချုပ်က စက်ရုံဝန်ထမ်း များအားတွေ့ဆုံ၍ ယခုစက်ရုံသည် နိုင်ငံတော်နှင့် တပ်မတော်အတွက် မော်တော်ယာဉ်များ ထုတ်လုပ်နိုင်သည့် အဓိကအားထားရသည့် စက်ရုံတစ်ခုဖြစ်ကြောင်း၊ မော်တော်ယာဉ်များအား ထုတ်လုပ်နိုင်ခြင်းသည် စက်ရုံ၏ဂုဏ်ပုဒ် တစ်ခုပင်ဖြစ်ကြောင်း၊ မိမိတို့ရှိပြီးဖြစ်သော အတွေ့ အကြုံများအပေါ်အခြေခံ၍ အရည်အသွေးမြင့်မားသော မော်တော်ယာဉ်များထုတ်လုပ်နိုင်အောင် ထုတ်လုပ်မှုအဆင့်တိုင်း အကောင်းဆုံးဖြစ်အောင်ကြိုးပမ်းဆောင်ရွက်ကြရန်မှာကြားပြီး စက်ရုံ ၀န်ထမ်းများ၏ လိုအပ်ချက်များအားဖြည့်ဆည်းပေးကာ စားသောက်ဖွယ်ရာများပေးအပ်ခဲ့ကြောင်း သတင်းရရှိသည်။