နေပြည်တော် ဖေဖော်ဝါရီ ၂၆
ရခိုင်ပြည်နယ်၊ ကျောက်တော်မြို့နှင့် မြောက်ဦးမြို့ ဆက်သွယ်ထားသော ကားလမ်း၏ အရှေ့ဘက်ခြမ်းရှိ တောင်ကုန်းများတွင် AA အကြမ်းဖက်သောင်းကျန်းသူအဖွဲ့မှ အင်အား ၁၀၀ ဦးခန့် သည် လေ့ကျင့်ရေးစခန်းဖွင့်လှစ်ရန်နှင့် အခြေခံနယ်မြေတည်ဆောက်ရန်ရောက်ရှိနေပြီး အများ ပြည်သူအသုံးပြုလျက်ရှိသော ဆက်သွယ်ရေးလမ်းကြောင်းများကို နှောင့်ယှက်ဖျက်ဆီးခြင်း၊ မိုင်းထောင်မိုင်းခွဲခြင်းနှင့် ပတ်ဝန်းကျင်ကျေးရွာများရှိ ဒေသခံပြည်သူများအား အတင်းအဓမ္မလူသစ် စုဆောင်းခြင်းများပြုလုပ်လျက်ရှိကြောင်း AA အကြမ်းဖက်သောင်းကျန်းသူအဖွဲ့များကို မလိုလားသူ ပြည်သူများ၏ သတင်းပေးပို့မှုအရ တပ်မတော်စစ်ကြောင်းများသည် ကျောက်တော်မြို့နှင့် မြောက်ဦးမြို့နယ်အတွင်း နယ်မြေလုံခြုံရေးလုပ်ငန်းများ ဆောင်ရွက်ခဲ့သည်။
ထိုသို့ဆောင်ရွက်ခဲ့ရာ ဖေဖော်ဝါရီ ၁၉ ရက်တွင် ထိတွေ့မှုဖြစ်ပွားခဲ့ပြီး ဆုတ်ခွာသွားခဲ့သော AA အကြမ်းဖက်သောင်းကျန်းသူအဖွဲ့များနောက်သို့ တပ်မတော်စစ်ကြောင်းများက အသေးစိတ်လိုက်လံ ရှင်းလင်းခဲ့ရာ ဖေဖော်ဝါရီ ၂၀ ရက်မှ ယနေ့အထိ ထိတွေ့မှုရှစ်ကြိမ်ဖြစ်ပွားခဲ့ကာ ၎င်းတို့သင်တန်း ကျောင်းဖွင့်လှစ်ရန် ရည်ရွယ်ထားသောလေ့ကျင့်ရေးစခန်းတစ်ခုအား သိမ်းပိုက်ရရှိခဲ့ပြီး AA အကြမ်းဖက်သောင်းကျန်းသူအဖွဲ့များသည် ဖြစ်စဉ်ဖြစ်ပွားရာနေရာ၏ အရှေ့ဘက်နှင့်တောင်ဘက်သို့ ထွက်ပြေးတိမ်းရှောင်သွားသဖြင့် တပ်မတော်စစ်ကြောင်းများက ထက်ကြပ်လိုက်လံရှင်းလင်းလျက် ရှိသည်။
ဖြစ်စဉ်များတွင် မိမိဘက်မှ စစ်သည်အချို့ကျဆုံး၊ ဒဏ်ရာရရှိခဲ့ပြီး AA အကြမ်းဖက် သောင်းကျန်းသူအဖွဲ့ထံမှ အလောင်းလေးလောင်း၊ လက်နက်မျိုးစုံ လေးလက်၊ ခဲယမ်းနှင့် ဆက်စပ် ပစ္စည်းများ၊ လေ့ကျင့်ရေးအသုံးအဆောင်ပစ္စည်းများ၊ အရက်စည်ခုနစ်ပုံး၊ လမ်းလျှောက်စကား ပြောစက်အား သွင်းခုံများ၊ မိုင်းပြုလုပ်ရာတွင် အသုံးပြုသည့် ကွန်ကျူးပိုက်များ၊ ကော်ဘူးများ၊ ၀ါးနင်းခလုတ်များ၊ ယမ်းစိမ်းပုံးများ၊ ဓာတ်မြေသြဇာများနှင့် တပ်မတော်အရာရှိ၊ စစ်သည် အဆင့်တံဆိပ်များ၊ AA အကြမ်းဖက်သောင်းကျန်းသူ လက်မောင်းတံဆိပ်များကို သိမ်းဆည်းရရှိခဲ့ ကြောင်းနှင့် ရခိုင်ပြည်နယ်အတွင်း တရားဥပဒေစိုးမိုးရေး၊ နယ်မြေတည်ငြိမ်အေးချမ်းရေးအတွက် တပ်မတော်စစ်ကြောင်းများက သောင်းကျန်းသူနှိမ်နင်းရေးစစ်ဆင်ရေးအား ဆက်လက်ဆောင်ရွက် လျက်ရှိကြောင်းသတင်းရရှိသည်။
.
တပ်မတော်ကာကွယ်ရေးဦးစီးချုပ်ရုံး
0 comments:
Post a Comment