ဘူးသီးတောင်မြို့ရှိ နယ်မြေခံတပ်ဌာနချုပ်၌ အရာရှိတစ်ဦး၏ နေအိမ်တွင် ပေါက်ကွဲမှုဖြစ်ပွား
နေပြည်တော်၊ ဖေဖော်ဝါရီ - ၂၈
ဘူးသီးတောင်မြို့၊ နယ်မြေခံတပ်ဌာနချုပ်၌ အရာရှိတစ်ဦး၏ နေအိမ်တွင် ၂၀၁၉ ခုနှစ်၊ ဖေဖော်ဝါရီလ ၂၆ ရက်နေ့ နံနက် ၈ နာရီခန့်တွင် ပေါက်ကွဲမှုတစ်ခုဖြစ်ပွားခဲ့ပြီး အရာရှိ၏ဇနီးမှာ ပေါက်ကွဲမှု ဒဏ်ရာများဖြင့် နေရာတွင်ပင် သေဆုံးခဲ့ကာ ပေါက်ကွဲမှု အရှိန်ကြောင့် နေအိမ် မျက်နှာကြက်များနှင့် ပြတင်းပေါက်မှန်တံခါးများ ကွဲအက်ပျက်စီးခဲ့ကြောင်း သတင်းရရှိသည်။
ပေါက်ကွဲမှုအား အသေးစိတ်စစ်ဆေးခဲ့ရာ ပေါက်ကွဲပြီး မိုင်းပစ္စည်းအစအနများ အနေဖြင့် ပလပ်စတစ် ကွန်ကြူးပိုက်အစအနများ အလျား ၂ လက်မ၊ အနံ ၁ လက်မခွဲခန့် ဆားကစ်ပြား ၁ ခု၊ ကြွခလုတ်အပိုင်းအစ ၁ ခု၊ Panasonic Alkaline AA Size ဓာတ်ခဲ ၂ လုံးတွဲသုံး လျှပ်စစ်ဓာတ်အားပေးပိုင်း ၂ ခု၊ စတီးလ်ဘောစေ့အလုံး ၁၆၀၀ ခန့်ကို ရှာဖွေ တွေ့ရှိခဲ့ရာ အချင်း ၃ လက်မ၊ အရှည် ၅ လက်မခန့် ကွန်ကြူးပိုက်တွင် ပင်တိုပလပ်စ် အမျိုးအစား ယမ်းများနှင့် စတီးလ်ဘောစေ့ ၂၀၀၀ ခန့်ထည့်၍ လေလုံအောင် ထုပ်ပိုးကာ စနက်တံကို ကြွခလုတ်ဖြင့် ဆက်ထားပြီး ပစ္စည်းကို မယူစဉ် ပေါက်ကွဲအောင် စီမံထားသော ဒေသန္တရလက်လုပ်မိုင်း အမျိုးအစားဖြစ်ကြောင်း သိရှိရသည်။
ဖြစ်စဉ်ပါ အရာရှိမှာ ဗိုလ်မှူး ကျော်စွာ ဖြစ်ပြီး ၂၀၁၉ ခုနှစ်၊ ဖေဖော်ဝါရီလ ၁၄ ရက်နေ့တွင် ဇနီးဖြစ်သူ ဒေါ်နန်းမို့မို့ဇော်နှင့် မင်္ဂလာဧည့်ခံပွဲ ပြုလုပ်ခဲ့ပြီး တပ်ဌာနချုပ်သို့ အပြန်တွင် ၎င်းတို့၏ အိမ်ထောင်ပရိဘောဂပစ္စည်းများအား ယာဉ်မောင်း ဦးရဲထွန်း ၅၃ နှစ် (ဘ)ဦးကြင်မောင် မောင်းနှင်ပြီး ယာဉ်နောက်လိုက် ဦးတိုးတိုးစံ ၂၉ နှစ် (ဘ) ဦးသန်းဝင်း လိုက်ပါသော ယာဉ်အမှတ်၊ MDY-9M 1203 ၄တန်ခွဲ ဖောယာဉ်ဖြင့် နေပြည်တော်မှ ဘူးသီးတောင်သို့ ဖေဖော်ဝါရီလ ၂၁ ရက်နေ့တွင် ပို့ဆောင်စေခဲ့ခြင်းဖြစ်ကြောင်း၊ မော်တော်ယာဉ်မှာ ဖေဖော်ဝါရီလ ၂၅ ရက်နေ့ နေ့လယ် ၁ နာရီခန့်တွင် ရသေ့တောင်-ဘူးသီးတောင် လမ်းခွဲသို့ ရောက်ရှိပြီး ဆက်လက်ထွက်ခွာလာခဲ့ရာ ညနေ ၄ နာရီခန့် ကျောက်တန်းကျေးရွာတစ်ဝိုက်၌ အရပ်ဝတ်ဖြင့် ၂ ဦးမှ မော်တော်ယာဉ်အား ရပ်တန့်စေပြီး ကားလမ်း၏အရှေ့ဘက် တောတွင်းတစ်နေရာသို့ မောင်းနှင်စေလျက် ရှာဖွေစစ်ဆေးမှုများ ပြုလုပ်ခဲ့ကြောင်း၊ ထပ်မံ၍လည်း အရပ်ဝတ်ဖြင့် လက်နက်ကိုင် ၆ ဦးခန့်က ရောက်ရှိလာကာ ပစ္စည်းများအား ယာဉ်ပေါ်သို့ တက်ရောက်ရှာဖွေခဲ့ကြောင်း၊ ထို့နောက် လက်နက်ကိုင်အဖွဲ့က ယာဉ်အား ည ၈ နာရီခန့်တွင် ပြန်လွှတ်ပေးခဲ့ကြောင်း၊ ဖေဖော်ဝါရီလ ၂၆ ရက် နံနက် ၇ နာရီခန့်တွင် ဗိုလ်မှူး ကျော်စွာ ၏ နေအိမ်သို့ မော်တော်ယာဉ် ရောက်ရှိကာ ဗိုလ်မှူး ကျော်စွာနှင့် စစ်သည်များက မော်တော်ယာဉ်ပေါ်မှ ပစ္စည်းများအား နေအိမ်အတွင်းသို့ ချနေစဉ် အရာရှိ၏ဇနီးဖြစ်သူက အိမ်ထောင်ပရိဘောဂပစ္စည်းများအား ထုတ်ယူကြည့်ရှုစဉ် နံနက် ၈ နာရီခန့်၌ ပေါက်ကွဲမှု ဖြစ်ပွားခဲ့ခြင်း ဖြစ်ကြောင်း သတင်းရရှိသည်။
အဆိုပါ မိုင်းပေါက်ကွဲမှုဖြစ်စဉ်နှင့်ပတ်သက်၍ ဘူးသီးတောင်မြို့နယ်၊ ညောင်ချောင်း နယ်မြေ ရဲစခန်းတွင် အမှုဖွင့်ထားပြီး တရားခံများ ဖော်ထုတ်ဖမ်းဆီးရမိရေး ဆောင်ရွက်လျက်ရှိကြောင်း သတင်းရရှိသည်။
တပ်မတော်ကာကွယ်ရေးဦးစီးချုပ်ရုံး
