တပ်မတော်ကာကွယ်ရေးဦးစီးချုပ်ရုံး၏ ပစ်ခတ်တိုက်ခိုက်မှုရပ်စဲရေးနှင့် ထာဝရငြိမ်းချမ်းရေးအတွက်ထုတ်ပြန်ချက်
ပြည်ထောင်စုသမ္မတမြန်မာနိုင်ငံတော်
တပ်မတော်ကာကွယ်ရေးဦးစီးချုပ်ရုံး
ပစ်ခတ်တိုက်ခိုက်မှုရပ်စဲရေးနှင့်ထာဝရငြိမ်းချမ်းရေးအတွက်ထုတ်ပြန်ချက်
(၁၃၈၂ ခုနှစ်၊ သီတင်းကျွတ်လပြည့်ကျော် ၉ ရက်)
(၂၀၂၀ ပြည့်နှစ်၊ နိုဝင်ဘာလ ၉ ရက်)
၁။ ပြည်ထောင်စုငြိမ်းချမ်းရေးညီလာခံ-(၂၁) ရာစုပင်လုံ စတုတ္ထအစည်းအဝေးအား
၂၀၂၀ ပြည့်နှစ်၊ သြဂုတ်လ ၁၉ ရက်မှ ၂၁ ရက်အထိ ကျင်းပပြုလုပ်ခဲ့ပါသည်။
၎င်းအစည်းအဝေးအပါအဝင် ကျင်းပပြုလုပ်ပြီးစီးခဲ့သည့်အစည်းအဝေးများမှ ပြည်ထောင်စု
သဘောတူစာချုပ် (Union Accord) အစိတ်အပိုင်း ၃ ပိုင်း၊ သဘောတူညီချက်စုစုပေါင်း
၅၄ ချက်ရရှိခဲ့ပါသည်။ ၎င်းသဘောတူညီချက်များနှင့်ကျန်ရှိသည့်ပစ်ခတ်တိုက်ခိုက်မှု
ရပ်စဲရေးသဘောတူစာချုပ်ပါအချက်များအား ဆက်လက်ဆွေးနွေးရန်ဖြစ်သော်လည်း
COVID-19 ကပ်ရောဂါဖြစ်ပွားခြင်း၊ ၂၀၂၀ ပြည့်နှစ် ပါတီစုံဒီမိုကရေစီအထွေထွေ
ရွေးကောက်ပွဲကျင်းပပြုလုပ်ရန် ဆောင်ရွက်လျက်ရှိခြင်းများကြောင့် ငြိမ်းချမ်းရေး
ဆွေးနွေးပွဲများအား ဆက်လက်ဆောင်ရွက်ရန် အခိုက်အတန့်အားဖြင့် ရပ်ဆိုင်းသကဲ့သို့
ဖြစ်ခဲ့သည်။
၂။ ယခုအချိန်တွင် ၂၀၂၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲအား
အောင်မြင်စွာကျင်းပနိုင်ခဲ့ပြီးဖြစ်ခြင်း၊ COVID-19 ကပ်ရောဂါနှင့်ပတ်သက်၍
အတိုင်းအတာတစ်ခုအထိ ထိန်းချုပ်ထားနိုင်ခြင်း၊ နိုင်ငံတော်အတွက် ထာဝရငြိမ်းချမ်းရေး
အောင်မြင်ပြီးဆုံးသည်အထိဆောင်ရွက်ရန်မှာလည်း မဖြစ်မနေဆောင်ရွက်ရမည့်လုပ်ငန်း
စဉ်ဖြစ်ခြင်းတို့ကြောင့် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်တွင်
လက်မှတ်ရေးထိုးပြီးသော လက်နက်ကိုင်အဖွဲ့များနှင့် လက်မှတ်ရေးထိုးရန် ဆက်လက်
ဆွေးနွေးနေဆဲဖြစ်သော တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးလုပ်ငန်းစဉ်
များအား အမြန်ဆုံးဆက်လက်ဆွေးနွေးရန် လိုအပ်လျက်ရှိပါသည်။
၃။ သို့ဖြစ်ပါ၍ တိုင်းရင်းသားလက်နက်ကိုင်အဖွဲ့များဖြင့် ထာဝရငြိမ်းချမ်းရေးအောင်မြင်
ပြီးဆုံးသည်အထိလိုအပ်၍ တပ်မတော်နှင့်တွေ့ဆုံဆွေးနွေးရန်ရှိလာပါက ဆက်လက်
ဆွေးနွေးနိုင်ရန်အတွက် တပ်မတော်၏ငြိမ်းချမ်းရေးဆွေးနွေးမှုကော်မတီအား အောက်ပါ
ပုဂ္ဂိုလ်များဖြင့် ဖွဲ့စည်းလိုက်သည်-
( က ) ဒုတိယဗိုလ်ချုပ်ကြီးရာပြည့် ဥက္ကဋ္ဌ
( ခ ) ဒုတိယဗိုလ်ချုပ်ကြီးထွန်းထွန်းနောင် အဖွဲ့ဝင်
( ဂ ) ဒုတိယဗိုလ်ချုပ်ကြီးတင်မောင်ဝင်း အဖွဲ့ဝင်
( ဃ ) ဒုတိယဗိုလ်ချုပ်ကြီးမင်းနောင် အဖွဲ့ဝင်
( င ) ဒုတိယဗိုလ်ချုပ်ကြီးအောင်လင်းဒွေး အတွင်းရေးမှူး
၄။ ၎င်းတပ်မတော်၏ ငြိမ်းချမ်းရေးဆွေးနွေးမှုကော်မတီသည် တစ်နိုင်ငံလုံးပစ်ခတ်
တိုက်ခိုက်မှုရပ်စဲရေးသဘောတူစာချုပ်(NCA) လမ်းကြောင်းအတိုင်း NCA လက်မှတ်ရေး
ထိုးပြီး တိုင်းရင်းသားလက်နက်ကိုင်အဖွဲ့များဖြင့် ငြိမ်းချမ်းရေးပိုမိုခိုင်မာအောင် ဆက်လက်
ဆွေးနွေးခြင်း၊ NCA လက်မှတ်မရေးထိုးရသေးသော တိုင်းရင်းသားလက်နက်ကိုင်အဖွဲ့
များအား NCA လက်မှတ်ရေးထိုးနိုင်သည်အထိ ဆက်လက်ဆွေးနွေးခြင်းနှင့် ထာဝရ
ငြိမ်းချမ်းရေးအောင်မြင်ပြီးဆုံးသည်အထိ လိုအပ်သည်များအား ဆွေးနွေးသွားရန်ဖြစ်
ကြောင်း ထုတ်ပြန်ကြေညာအပ်ပါသည်။
တပ်မတော်ကာကွယ်ရေးဦးစီးချုပ်ရုံး
